corona: इटलीमध्ये मृत्यूचे थैमान; 'ही' आहेत कारणे!

corona: इटलीमध्ये मृत्यूचे थैमान; 'ही' आहेत कारणे!

चीनमधील वुहान प्रातांत करोना व्हायरसचा सर्वाधिक संसर्ग झाला. वुहानमध्ये करोनाचे सर्वाधिक रुग्ण आढळले. करोनाबाधितांचे मृत्यूही वुहानमध्ये सर्वाधिक झाले. चीननंतर करोनाचा सर्वाधिक संसर्ग इटलीमध्ये झाला आहे. इटलीमध्ये करोनामुळे परिस्थिती चिंताजनक झाली आहे. करोनामुळे होणाऱ्या मृत्यूंचे प्रमाणही वाढत आहे. आतापर्यंत ३५ हजार ७१३ जणांना करोनाचा संसर्ग झाल्याचे समोर आले आहे. तर, २९०० हून अधिक जणांचा मृत्यू झाला आहे. करोनाच्या संसर्गामुळे इटलीतील परिस्थिती चिंताजनक होत चालली आहे. इटलीत करोनाच्या संसर्गामुळे मृतांच्या संख्येत वाढ आहे. एकाच दिवसात सर्वाधिक मृत्यूची नोंद बुधवारी करण्यात आली. बुधवारी इटलीत एकाच दिवसात ४७५ जणांचा मृत्यू झाला.इटलीसारख्या देशाची एवढी भीषण अवस्था कशी झाली, याबाबत जगात चर्चा सुरू आहे. यातील काही महत्त्वाचे पाच मुद्दे जाणून घेऊयात…

coronavirus 

इटलीत करोना व्हायरसच्या संसर्गाचा सर्वाधिक परिणाम वृद्धांवर होत आहे. वृद्धांना करोनाची लागण त्वरीत होत असल्याचे समोर आले आहे. न्यूयॉर्क टाइम्सच्या वृत्तानुसार, इटलीमध्ये ६५ वर्षांपेक्षा अधिक वय असलेल्या नागरिकांची संख्या जवळपास एक चतुर्थांश आहे. इटलीत करोनाच्या संसर्गामुळे मृत्यू झालेल्या नागरिकांमध्ये सर्वाधिक प्रमाण वृद्धांचे असून त्यांचे वय हे ८० ते १०० दरम्यान असल्याची माहिती अधिकाऱ्यांनी दिली. त्याशिवाय एवढ्या वयांच्या वृद्ध नागरिकांमध्ये आधीपासूनच कोणता तरी आजार असतो. त्यामुळे रोगप्रतिकारक शक्ती कमी झाल्याने करोनाचा संसर्ग होण्याची शक्यता अधिक वाढते.

इटलीमध्ये कमी प्रमाणात नागरिकांची वैद्यकीय चाचणी झाल्यामुळे मृतांचे प्रमाण वाढले असले असल्याचे एक कारण असल्याची चर्चा आहे. ज्या युवकांमध्ये काही लहानप्रमाणात आजारांशी लक्षणे दिसत आहेत, ते वैद्यकीय तपासणी करण्यास जात नाहीत अथवा अशांची कोणतीही चाचणी न करता त्यांना घरी पाठवले जात आहे. यातील काहींना करोनाचा संसर्ग असण्याची शक्यता आहे. मात्र, वैद्यकीय चाचणी केल्याशिवाय करोनाची लागण झाली असल्याचे स्पष्ट होत नाही.

कम्युनिटी ट्रान्समिशनवर प्रश्न

फिलाडेल्फियामधील टेंपल युनिव्हर्सिटी कॉलेज ऑफ पब्लिक हेल्थ येथील एपिडेमिओलॉजिस्ट ख्रिस जॉन्सन यांच्या मतानुसार, इटलीमध्ये करोनामुळे होणाऱ्या मृत्यूंचे प्रमाण हे ३.४ टक्के असायला हवे. मात्र, नागरिकांनी करोनाची चाचणी न केल्यामुळे हे प्रमाण वाढलेले दिसते. कितीजणांना करोनाचा संसर्ग झाला आहे, याबाबत ठोस माहिती हाती नव्हती. त्याच्या परिणामीही हा आजार वाढला असू शकतो. त्यामुळे कम्युनिटी ट्रान्समिशनद्वारे करोनाचा अधिक फैलाव झाला असू शकतो. कम्युनिटी ट्रान्समिशन म्हणजे एखाद्या संसर्गबाधिताकडून सार्वजनिक ठिकाणी, वाहतुकीचा वापर केल्यामुळे आजाराचा प्रसार होतो. त्यामुळेच करोनाच्या बाबतीत संसर्ग वाढू नये यासाठी आयसोलेशन, लॉकडाऊनचा पर्याय अंमलात आणावा लागला.

इटलीत लॉकडाऊन करण्यास उशीर

इटलीत सरकार आणि प्रशासनाने लॉकडाऊन जाहीर केले. सध्या फक्त अत्यावश्यक कामासाठी लोकांना घराबाहेर पडण्याची परवानगी देण्यात आली आहे. मात्र, वाईट अवस्थेत असलेली पायाभूत सुविधा आणि नाजूक आर्थिक परिस्थितीमुळे लोकांना नाईलाजास्तव घराबाहेर पडावे लागत आहे. मात्र, लॉकडाऊनचे आदेश लागू करण्यात उशीर करण्यात आला असल्याचे काहींचे मत आहे. लॉम्बार्डीमध्ये सर्वाधिक वैद्यकीय तपासणी करण्यात आली असती तर परिस्थितीचा अंदाज आला असता. मात्र, तसे न केल्यामुळे या ठिकाणी करोनाचा सर्वाधिक संसर्ग आढळला.

About Gosip4U

Gosip4U is the digital wing of india - India's leading media and communications group with its interests spanning across country.